Diarium van Egbert Alting 1553-1594

Vrijdach 24 Aprilis 1573.

Commissie ende eedt des loopers in den Oldenampten.

Wij B. ende R. der stadt Groeningen doen kundt ende bekennen in ende vormidts desen openen breve, dat wij hebben beghyfftiget ende vorsehen Peter ter Maeth (in plaets onses gewesenen dieners Oltman Brauwe saliger) mitten denst ende loopampt in den beyden Oldenampten. Des sall he rechte beredinge doen van alle roven, de bij der toefaert²⁾ gescreven sint ende hem uuth doenheeten³⁾ onsers tho rooven bevoelen wort. Sal oeck den Rhade oere broecken na behoer vlijtich inforderen ende de breven in des Rhades offt broeckmesters handen getreuwelyck overbrengen. Sall ingelijcken mit alle settingen, die hem te doende bevoelen, geboerlyckerwijse voertfaeren ende volgendts vulle beredinge daervan doen. Sall daerbeneven nemants sunder besegelde mandaten verdagen. Ende wes broecke den Rhade verschijnen wort, daer he enige kunde van hefft, sall he den Rhade ende nemant anders melden. En sal oeck nemant breve toenen laten van sijner wegen, men sall de selves toenen, offte doer sijnen onderloper, bij ons gheediget sijnde, thoenen laten denghenen, daer se upgehaelt worden. Ende dat he oeck des Rhades regystere ende broecke mit rooven voert sal uuthrichten, als dat geboert ende als he alder eersten kan. Sall oeck moeten sodane personen vangen, als hem tijdtlicx van ons in bevell sall moegen gedaen worden. Oeck hemelyck bij sich holden, wes hem tho swijgen uperlacht ende bevoelen. Ende voerts alle saecken vorwaeren, de hem van den Rhade tdoende bevoelen worden na sijner macht. Oeck in alles doen ende laten, wes een guedt getreuw diener schuldich is ende behoert tdoende. Waerup Peter voergesz. ons oeck eenen behoerlycken eedt gedaen. Doch desen voersz. eedt ende commissie duyrende tot onser ende des Rhades wederseggen ende neet langer. Des sall he oeck den Raedt hiirup eenen genoechsamen borge stellen voer de summe van 500 olde fransche schilde. Sunder argelist. Dat oerkunde wij mit onsen upgedruckten signete. Ghegeven den 24 dach Aprilis anno 1573.

De erb. Christopher Deest, stadtrentemester, is voer Peter voergen. (de voerhen sijn diener gewest) een erb. Rhaedt ter handt borge geworden. Actum den 28 Aprilis 1573.

2) Een soort executie. Zie Cleveringa, Revisie en beroep blz. 11.

3) Donheite = bevel. Zie Lasch-Borchling, Mittelniederdeutsches Handwörterbuch (Neumünster 1956) kol. 446.