Dinxsdach ultima Junii 1573.
Nadem dan sijn Exe. te meermalen vastlick beloefft, dat de stadt mitter leninge vorder onbelast sijn sol, de stadt oeck arm ende seer benouwet, Lopus selffs beloefft der stadt in 8 weken neet moylyck te willen sijn, der heer lieutenant den syndicus van sconincks wegen bevolen, de penningen bemelten Lopus up sodane tosage volgen tho laten etc., hefft men dit mit wijderen den heer lieutenant inbracht ende guetlick vermaent, mit begerent der stadt tho willen verschoenen, bijsunders so de gesanten bald werden komen ende noch 200 gulden bij Lopus etc. Ende dit Lopus durch den heer lieutenant angesacht, hadde he sich luyden laten, woe he dan bedacht, de soldaten strax upter borger kost to leggen, de noch voer den avent wall 6 offt 800 gulden schade doen werden. Na de heren (boven tovorsicht) verstaen, dat de soldaten durch der capiteinen bevell hoeren moetwillen in der borger huysen dreven, is men gedrenget 400 gulden tegens 3 uhren up to brengen, wijder onraedt tho vermijden.
Auteursrechtelijk beschermd