Vrijdach 5 Novembris 1574.
Edell ende gestrenger heer. Na geholdener communicatie mitten geswoernen sampt ghylden ende borgerschafft dusser stadt, woe des van oldes behoert, upt tgene u ed. gestr. van de anderinge des Rhades koer genedichlyck voergegeven, hebben sich deselve samentlick ende eenhellich vorclaert, sich in alles te willen tegens Con. Mat. onss aller gen. heer dregen ende holden, soe ende als ghoede getreuwe ende gehoersame ondersaten na den upgerichteden tractate plichtich ende schuldich sinnen tdoende. Ende soe voele de voersz. koer belanget, begeren se oethmoedelyck bij den stadtboeke ende hoer e olde gewoentlycke vrijheyden, daar sijne Mat. dese stadt in gevonden, in gehoersamer onderdanicheit te verblijvende, midts oeck in aller demoeth biddende, u ed. gestr. als verordente stadtholder woelle gelieven, in statt ende van wegen hoeghstged. Con. Mat. dese sijne Mats. stadt ende burgerschafft bij de selve hoere olde privilegien, vrij- ende gherechticheyden to latende ende se daerinne mainteneren ende handthaven, gelijcken sulckes oeck in den voergen. tractaten genedichlycken ontheten ende geloefft is.
Auteursrechtelijk beschermd