Diarium van Egbert Alting 1553-1594

Saterdach 15 Januarii 1575.

De heeren B. ende R. hebben Mr. Mauritio van Almeloe, sextanorum ende quintanorum preceptori, durch desselffs clagelyck anghevent sijns cleynen ver-

[p. 291]

denstes ende upkumpst in der schoelen uuth gunst ende affectie tot goeder discipline sampt kyndertucht ende lehere accordeert ende togestaen, van den raedtsheren Johan Wyffringk, als karckvoeght tho Sunt Walburgen, tho entfangen erstlyck ses embder gulden, bet noch 16½ embder gulden, alse naemptlyck voer een halff jaer ende een heel jaer nu erstkumpstigen Paesschen verlopen ende bedageder huyshuyre; hiirenboven hem noch geconsenteert van sodane dre kameren edder woeningen den koer, als gemelter raedtsheer em wert anwijsen, der voersz. kercke behoerich, om eene derselver te moegen na sijner besten gelegentheit entweder selffs gebruycken offte de huyre daervan jaerlix genieten, alletijdt nochtans tot sRhaedts wederseggen ende bes sunst hiirinn (der geboer nah) doer andere bequaeme middelen sall am besten provideert ende versehen moegen werden.