Diarium van Egbert Alting 1553-1594

Dinxsdach 19 Aprilis 1575.

Des graven tho Oestfrieslant gesanten hebben oer warfung entdecket, belangende dat de Embse van de vrijbuiteren beyder tsijden muchte gevelight ende de commertia vrij ende onvorleth muchten gehandthavet worden, woe se dan gelijcksfals an den heer van Billy, stadtholder, versocht, int brede mede vermeldende, wat besendinge an Keys. Mat., Rijcksstende ende kreyscheren, voert seeende Ansesteden, lestlick oeck an den prince van Aranien, item wat groter onkosten an uuthrustinge van schepen bij oer genedigen heren desen angaende gedaen ende angewendt ende sunst als neuter sittende allene neet mechtich dEmbse van sodanen gewalt to veligen. Antworth, woe voererst de stadt neet levers sehege,

[p. 299]

dan dat de vrije commertia hoeren geboerlycken voertganck muchten gewinnen, daer se oeck geern solden alles vlijts mede tho helpen rhaden, weere oeck anhe oer voerweten den vrijbuyter Luyr sijne commission, daer ende ander wegen sich gebruycken to laten, ghegeven. Erboeden sich stedts tot ghoeder freundtlycker naberschafft, midts oeck sijn genade des angewanten vlijts ende naberlycker ghoede ende gened. erbiedinge sich bedanckende etc. Gesanten: Alricus Sluyter, der rechten licentiaet, ende Enno Tyabberen, mederaedtsvorwanter tho Embden.