Diarium van Egbert Alting 1553-1594

[p. 309]

Donderdach 11 Augusti 1575.

Upt angevent van de bouwmestern van den ghylden van mistroesticheit ende anders goeden voerlevendts ende walholdents, als oeck de olderman ende hoefflingen der schutenschuverghylde daervan getestificeert, mede om wijff ende kynder te moegen van den bedelsack holden, hebben B. ende R. Hindrick Geerdts schutenschuver (de tmarck edder stadtbrandteken upter schuyte versett etc.) weder de vrije vaert togestaen ende hem also begenedight, doch de broecke der stadt voerbeholden.

Schultetus hefft sich noch ghysteren wederomme tegens mij verclaert, bij sijn voergaende upsegginge van in 3^a classe lector ende conrector tsijnde te verblijvende, sunst een erb. Raedt aller eheren ende ghuedts bedanckende^a).

5^ae ende 4^ae classium praefectus hefft oeck sijn bedieninge desen dach, 13 Augustus, schryfftlick renunchiert ende upgesacht.

a) In margine staat: is anno 87 den 10 Aug. als rector introduceert worden.