Diarium van Egbert Alting 1553-1594

Saterdach 10 Septembris 1575.

De van den Umblanden, appellanten, contra de creditoren ende schuldeners van Herman Coenders; nah der van den Omlanden gedane beropinge ende na

[p. 312]

verlesinge des amptmans gegeven sententie, sampt beydertsijden voergebrachte stucken ende bescheeth ende voerts vlijtiger erweginge ende consideratie tegenwoerdiger saecken gestalt, neffens de olde gewoentlyke rechten ende gebruycken alhiir, hebben B. ende R. de voersz. des amptmans mitten achte geswoeren des gerichtes van Selwerth ghegevene sententie gueth ende in der macht ende de beropinge quaeth gekant.

Doctor Westendorp, syndicus, (derwijlen overmorgen als Maendach den 12^e huius sijn commissie soll expireren) hefft sich erboeden, de kiste ende stucken, nu ordentlyck gestelt sijnde, een erb. Raedt to overantwoerden. Muste oeverst noch de acten erst in ordine redigeren ende daerna overleveren; doch wes he in der Dampster saecke privatim gedaen, begeerde he bij sich tho beholden, alle tijdt nochtans der stadt tom besten. Nota, dat de kiste upt raedthues gebracht, daerna oeck de Dampster saecken sack¹⁾.

Also men erstlick durch instendich versueck des heren stadtholders overgegeven enige versekeringe versegeldt, allene de vettewaren belangende, daermit de tom geringsten hedden moegen passeren, is een erb. Raedt deselve als neet genoechsam weder ter handen stelt, willende gaer neetz uuthlaten, off men soll gelijcksfals voer tkoeren versekeren ten geringsten tot 4 maenden ende als tselve oeck also lestlyck (woewall beswaerlyck) overgegeven, oeck all mitten upgedruckten signete bevestight gelijcken tanderen, is datselve noch neet genoch gewest, dan woellen van 4 maenden tot 4 maenden vervolgents versekeringe hebben, daerup dese laeste een erb. Raedt alsnu oeck weder toschickende.

Ende volgen dobligatien beyde hiir na den ander gescreven: Wij B. ende R. der stadt Groeningen doen kundt ende bekennen midts desen, alsoe durch upende inholdent der vettewaeren, als botter, kese ende speck, grote inconvenienten gespoert ende bevonden, hebben wij derwegen de policie ende upsicht daervan up ons geladen, alse dat dese stadt van alsulcke voersz. waeren ter nootdrufft sall tijdtlicx genoechsam versehen ende versekert wesen, doch dese onse verbindtenisse allene duerende tot onser revocatie ende wederseggen ende neet langer.

Tho oerkunde onser stadts hiironder upgedruckten signete.

Ghegeven den 24 Julii 1575.

Volght de anderde:

Wij B. ende R. der stadt Groeningen bekennen midts desen, nahdem der edell ende gestrenger heer van Billy, stadtholder etc., geliefft hefft, geen vettewaeren vanhiir uuth to gestaden, sunder erst mede vant broetkoern versekert tsijnde, hebben wij derwegen ons dytmael geladen, alse dat dese stadt den tijdt van veer naestkomende maenden neet allene mit botter, kese, speek dan oeck van broetkoern na ydtziger saecken gestalt, ghenoechsam versehen ende versekert wesen sall. Waerentegens dan sijn edelgestr. ons oeck wederomme ontheten ende beloefft, dat sich nemant anders diesangaende bekroenen noch onderwinden sall, bij verlues der waeren ende koern tot der stadts behoeff. Actum den 5 Septembris 1575.

1) Zie de Acta en het dagboek van de syndicus.