Diarium van Egbert Alting 1553-1594

Dinxsdach 21 Februarii 1576.

Alsoe der heer stadtholder der geswoernen presentatie (als dat de vijff khuerluyde 16 personen sijn Gen. in gescryffte sollen naemhafftich maken, waeruuth se volgents 8 nije raedtsluyden tho verkiesen gemeent) aff geslagen ende sich stedich verclaert, bij den inholdt der missive van sijne Ex^e. te verblijvende ende de geswoernen daerup entsloten, de saecke tho hoeve weder te versueckende, hefft hiirentusschen sijn Gestr. laten anseggen, woe he de 16 soll willen noemen, daer alsdan de vijve voergen. 8 solden uuthkesen ende dat daerna alles in den vorderen khuer na older gewoente soll togaen, daer van acte praesenterende. Ende want de swaericheyden dese verleden dagen vast allertsijden groetlyck erwoegen, dat weynich troestes tho hove voerhanden, de Raedt sich oeck beswaert vant, langer tho sittende ende de missive sekerer acte weere, dan sijn Ge. soll

[p. 324]

koenen gheven, is lestlick mit medebelevent der ghemene borgeren ende ghylden voer raedtsampst ingesehen, de voersz. missive gehoersamlyck (onder mede acte van sijn Ge.) na tho gaen, te meer, want de van den Omblanden rede requeste tegens den khuer der hoofftmannen (om de to beletten edder suspenderen) soe hiir soe an sijne Ex^e. overgegeven. Dit voersz. alsus ingebracht, is tselve accepteert, mit erbiedinge den biscop stracx weder van Leuwerden te verscrijvende, ons oeck de voersz. acte te willen gheven.