Diarium van Egbert Alting 1553-1594

Vrijdach 23 Novembris 1576.

Alsoe de heren mit parten tho hoeren besich, hefft der syndicus ingebracht, woe der heer stadtholder gemeent, up thiin uhren up den raedthuyse bij B. ende R. to erschijnen. Ende soe daerna de 4 borgermesteren ende voerts de hele Raedt bij em to komen na der elff uhren verboedet, hefft denselven aldaer durch Westendorp een Fransoyssche missive doen voerlesen ende volgents verduetschen laten ende voerts begeert, em te willen inrhedich sijn, oeck ons één oder anderwech vrijwillich in der saecke resolveren; wolde es alles int goede verstaen, wat fuegen oeck de resolutie bij ons genomen, worde ons oeck desfals mit geen meerder soldaten belasten wijders den mit ons selffs goeden raedt ende wille, weere em oeverst de missive eerst behandet upten 17^en deser maendt, woewall de was van dato den 20 Octobris. Ende na wij den principalen brieff tho sehende, om den anderen mitgesworenen to vertoenende, begeert, sachte, de an Starcks vendell in den Dam gesonden tsijnde, solde ons oeverst noch desen avent offte morgen vroe behandet worden, midler tijdt ons mitter copie behelpende, bij sijn egen secretarys authentizeert²⁾.

2) De Acta syndici bevatten uitvoerige verslagen over de gebeurtenissen van deze dagen.

[p. 342]

A prandio.

Een erbare Raedt upt raedthus int communiceren getreden wesende van den brieff, wes men den coronell voer gefueghlyck antwort soll moegen weder inbrengen, is trumoer boven komen, woe de soldaten, up ter wacht gaende, neet wilden affschieten ende dat volgendts der stadtholder, coronell heer van Billi, mitten heren van Rijsbroecke, sijn swaeger, gevencklick angegrepen als oeck der coronel van Sutphen, de capiteinen ende venericken ende etlyke anderen. Is alsoe de Raedt sunder solutie te nemende elck na huys gegaen, de soldaten over straten lopende ende totten borger sprekende, et gueth voer hoer ende sunder peryckel ende gevaer sijn soll, des dan den selven verquicket, de sunst een plunderinge besorgende weeren.