Sondach 6 Januarii 1577.
Is entsloten an sijn G. tgaen ende, om de landtdach nu vorbij, aldaer te begeren, S.G. commissie communicationswijse an to hoerende, des also onder protestatie gescheen van hoer inobedientie tot gelegener tijdt te vervolgen.
B. ende R. mit 1 taelman ende 1 boumester daer gegaen sijnde, hefft sijn Ge. sijn excuse gedaen, van int minste tegens der stadt gerechticheit neet gedacht thebben tdoende, ummers dat der lande deputerden alsnu mede upten huyse solden begeren neffens ons de propositie to an te hoeren etc., doch derwijlen de landtdach nu verstreken, waertho se na older gewoenten solemniter durch Con. Mats. mandaten verscreven, de se ongehoersam gewest, hebben wij bij onse meninge verbleven. Daerup sijn Ge. verclaert, hiir als stadtholder gesonden tsijn, alles ten besten te verrichtende, des tot rust ende walfaert deser stadt ende tot conservatie derselver privilegien, vrij- ende gerechticheit soll denstich moegen sijn, daerto sich oeck erbiedende, mede dat voernemblick de olde catholixsche roemsche religie ende dautoriteet van sijn Mat. erholden worde. Ende want de soldaten alhiir sich onder geen eedt noch obedientie wilden gheven, sunder erst betaelt ende contenteert tsijnde, begeerde sijn Gen. wij em daertho behulplick wolden sijn etc.
Auteursrechtelijk beschermd