Diarium van Egbert Alting 1553-1594

Donderdach 18 Julii 1577.

Olde ende nije Raedt.

German Enens sall up den raedthuyse persoenlyck erschijnen ende aldaer voer den vullen Raedt up sijn kneen sittende mit oepene doeren de bescheene iniurien ende van hem gedane hoensprake weder mit oetmoedige woerden beteren, midts oepentlyck mitten munde bekennende, dat he van den heeren B. ende R., oldt offte nije, sampt ende elck bijsunder overall neet en weet dan alle eher, leeff ende ghuedt ende wes he up B. ende R. offt emants van hem bijsunders gesproecken, iniurieert ende gescholden hefft na vermoege der tugen daeraff sijnde, dat he sulckes alles mit onwaerheyt gesproecken, gedichtet ende gelogen hefft ende dattet hem uuth grunde sijns herten leet is, wal willende om all der warlde ghuedt, dat sulckes durch hem neet gesproken noch gescheet en weere, biddende den heem B. ende R. ende bijsunders den gehoenichden hernn ende vrunde, sampt ende elck bijsunder, dat se em sulckes omme Godts willen vertijen ende vergheven willen^a).

Den Ulger-ende andere wegen¹⁾ daeromtrent versichtiget, is geen bequemer noch gelegener bevonden als Hynckemahoerne etc.

a) In margine staat: supra 20 Febr. 77, infra 7 Augusti.

1) In de gemeente Noorddijk gelegen.