Saterdach 20 Julii 1577.
Der stadtrentmester hefft sijn rekenschafft ad Lunae praesenteert.
Den nabers van de Gulden Swane ende Roose ant suyden van de wage angesacht, dat se de strate aldaer musten voertan schoene holden, dan ditmael soll de stadt de vuelnisse, aldaer vergaert, wech laten vueren, als oeck Andrees Jansen sijn stempinge.
Johan Dubbels, schutenschuver, de de wacht in Steentyllpoorte bevochten ende derwegen etlycke dagen in Schomakersgatt ende upter poorte daerna geseten, is vermidts sijn swangber huesfrouwenen des pastoers ter Ae samt het gehoenichde rots (daeronder ener weynich gewondet) ende ander mans en frouwen voerbede begenedight worden; des hefft he sampt Berent Muller ende Jacob Dubbels handtastinge den heren borgermester in der tijdt gedaen, dat Johan voerg. tallen tijden, des versocht, sall wederomme inholden, sich oeck soe dragen ende holden sall, dat sijnent halven gheen wijder clachten werden voerkomen, offt sall tleste mittet eerste vergelden moeten.
Den olderman angesacht, he tegens den moetwilligen brouwer tho Lehens mit rechtlycker roovinge sall moegen voertfaren, neettegenstaende de van den Omblanden sulcks tho wederstreven voergenomen, vermidts se het verbundt upgesecht ende derwegen oer sulcks vrij ende geoerlofft sijn soll.
Auteursrechtelijk beschermd