Diarium van Egbert Alting 1553-1594

Vrijdach 26 Julii 1577.

Den rotmestern van Ulgers vendell in tegenwoerdicheyt der ander hoptluyden ende bevelhebberen angesacht, se den weyvel ende fuerer van Ulger in desselffs affwesent sullen gehoerich sijn. Soe emant up Ulger (de bij den heren lieutenant to gaste gewest) to sprekende, soll des gerichtlyck voerbrengen.

Enens doet sijn protestationscrifft de nullitate durch den voersz. hoptluyden vertoenen.

Voer raedtsam entsloten, dat iider rottmester eenen ghoeden stareken man sall bestellen, den der stadt bouwmester na des Rhadts verordnung voerts the warcke stellen sall. Des sullen de onderhoerigen van elck rott den voersz. man beloven na advenant, dat iider up warckmannen gesett mach sijn, worde oeck

[p. 386]

emants in den aerbeyt sumich offt onwillich bevonden, mach de bouwmester den selven affsetten ende den rotmester laten anseggen, eenen beteren in des affgesetten stede te bestellen bij een marck to broecke. Ende sall de rotmester de penningen, als voersz., ontfangen ende den warckman alle Saterdage daervan betalen.