Donderdach 24 Octobris 1577.
B. ende R., als der justitie geswoern, koenen noch ter tijdt neet anders tho rechte bevinden, dan dat men den heern lieutenant (als van nemant besheer in rechte verwonnen noch angesproecken) sall behoeren van der ingelachter wacht ende waringe tho bevrijen ende ent ledigen. Des sall nochtans gedachter lieutenant (allen archwaen midlerwijle tho vermijden) ghene boden noch brieven uuth deser stadt beschicken offt affveerdigen sunder voerwetent van een erb. Raedt, allent bij treuw, eher ende geloven ende bes anders hiirinne verordnet.
Ende nahdem, wes angaende tegenwoirdiger vorwaringe gescheen, allene tot sorghe ende versekeringe dusser stadt bescheen ende voergenomen, sall sijn Gestr. mede beloven, den ongemack, hoon ende leeth van derselver vorwaringe na gestalt ende inholdt der Pacification (den gemenen besten ende vreden tho ghoede) te willen ghuedtlick vergheten ende vergheven ende tegents nemant van den borgheren int quaetste nahtrachten, rechen noch wreken. Tho oerkunde desselfs heern lieutenants handt ende name hiironder geschreven. Actum den Octobris 1577.
Dit alsus bij sijn Streng, den 25 Octobris vertekent, is dennoch durch anderen nahdelich erachtet ende derwegen oeck neet gevolght noch nahgekomen.
Auteursrechtelijk beschermd