Diarium van Egbert Alting 1553-1594

Vrijdach 22 Novembris 1577.

Ordineren B. ende R., dat de mulders ghene granen, den sackaxcijss onderworpich wesende, van enigen brouwer, backer, borger offt inwoener deser stadt upter kaere offt upter moele entfangen sullen, sunder axcijscedell daerbij tho nemende, dat oeck de dieners, den de upsicht van den axcijsmester Focko Hijbelens is bevoelen, hoer administratie onbehyndert van den mulders moegen bedienen ende wat sacken, dat se groter ende vuiler, dan de veraxcijset bint, bevinden, dat se de onbehindert van den mulders na sick moegen nemen ende den voersz. axcijsmester daervan adverteren, omme up den gebrecklicken tho procederen na behoeren. Des sall oeck Focko Hijbelens voergen. hiirvoer mit den voersz. mulders vrundtlyck accorderen, soe des ter billickheit egen ende behoeren sall^a).

a) In margine staat: Vide infra 24 dach Aprilis 1578.