Maendach 2 Decembris 1577.
Borgermr. Reint Alberda pandt bes Petri ad Cathedram.
Durch anholdent des lieutenants broeder ende huesfrouw, (derwijlen er nu in de 17 weke verwaert) is per secretarium Julsing an den hoptluden ende bevelhebberen versueck mandato Sen. gedaen, den lieutenant te willen na der heren walmeninge entledigen.
Hiirup sint de bevelhebberen postridie erschenen, de de saecke an de samentlycke heren ende vrunde geschoeven, de daerup entsloten, als hiirna volght:
Vorclaren B. ende R., oldt ende nije, sampt T., S.M. ende B.v.d.g., dat se allnoch neet anders koenen na gestalt der saecken erachten noch insehen, dan dat allent, wes der tegenwoerdige des heem lieutenants vorwaringe gescheet is, sij alleene tot sunderlinge voersorge, versekeringe ende gemene beste deser stadt bescheen. Ende sint oeck de samptlicke gemelte heren ende vrunde eenhellich gesinnet ende gemeent, alsulckes te willen samenderhandt mit vlijth ende eernst antwoerden ende verdegenen, soe ende daer des behoeren sall, soedat oeck tselve niemant insunderheyt, tsij van den borgerlyeken regimente offt andere borgeren offt ingeseten deser stadt, sall noch en behoert enichsins tho laste gelecht worden. Des sall gedachter lieutenant van nu voertan der wacht entledight sijn ende volgendts sich in sijne behuysinge allnoch erholden, oeck ghene boden noch brieven uuth deser stadt beschicken offt affveerdigen sunder voerwetent van een erb. Raedt, allent bij treuw, eher ende gelove ende bes anders hierinne verordnet sall sijn. Actum den 3 Decembris 1577.
Gesacht, dat Don Jan den 23 Novembris als openbaer viant cum suis van den Staten Generael verclaert.
Auteursrechtelijk beschermd