Saterdach 3<!> Januarii 1578.
Bij den samptlycken heren entsloten, den heren stadtholder ende den twen heren eerste commissarien het bescheene bespreek to vermelden mit sampt de rheden van inconvenienten, waerdoer men de versochte entslakinge noch ter tijdt neet solden koenen gestaden, bijsonders soe de gedetineerde sich evenwal solden moegen verclaren ende seker voet stellen, daer volgents resolutivelick sol koenen up verhandelt worden, mit begeren sulcks mitten anderen twen heern commissarien te willen communiceren.
A prandio.
Alsoe de van der smedeghylde sich beclaget, dat Claes ter Borch, de schoemaker, (boven ende behalven 5000 ijsers, he bevoerens gekofft ende geldt up gegeven) noch etlycke dusent alhiir van den selven koopman gekofft, derwijlen tselve upt water herwerts up komende wege gewest, tenderende sodanes tegens den stapell, sampt olden gebruyck ende tgemene beste, soe doch der koopman billicks soll behoeren, den olderman van de smeden de eerste presentatie ende anbiedinge tdoende, onverkortet nochtans hem sijn vrije wille, sijn guedt na bescheener anbiedinge te verkopen, soe ende an well em des best even komen ende believen soll. Tho dem dat Claes ter Borch geholden, den van der ghylden tom geringsten mede in den nahkoop te laten treden ende genieten etc., hebben lestlick B. ende R. in bijwesent der samptlicke stadtsgeswoernen vorsz. partijen tot vrundtlycken verdrach ende vorhandlinge induceert ende gewesen mit dem anhanck, dat sulcks dennoch tot gener consequents eens edder andere wegen soll gedijen offt getogen worden.
Iterum ter fruntschap gewesen 1-8-78.
Auteursrechtelijk beschermd