Diarium van Egbert Alting 1553-1594
(1964)–Egbertus Alting–
Auteursrechtelijk beschermdMaendach 16 Junii 1578.Middelen van accorde geproponeert bij mijn genedigen heeren, mijnen here den prince van Oraingien, den grave van Swartzenborch ende andere bij der hoocheit van den gouvernuer-generael daertho gecommitteert, den gedeputeerde van Groeninghen ter eendere ende van den Omlanden ter andere zijden, om neder te leggen heuren tegenwoerdigen twyst ende bij de zelve gedeputeerde geaccepteert ende verwillight, soe hiirnae volghtGa naar voetnoot1): In den eersten, dat de voergen. partijen zullen verlaten alle wegen van feyte ende hun different offte differenten stellen an recht ende justicie ende daerup zullen de voersz. van Groeningen relaxeren die prelaten, edelen ende andere van den Omlanden, die zij houden binnen der stadt gevangen, met oeck restitueren heure prothocollen ende andere scrifftlick bescheet, bij hun anveerdt, ende sullen die van den Omlanden, zoe int gemein als int particulier wederomme commen in het vrij gebruyck van huerlueder goederen ende tot dyen effecte wordden gecasseert alle sententien, dyen aengaende gegeven duerende den voersz. twyst ende ter zaken van dien ende sullen alle feytelycke aenslagen ende andere iniurien, ter eendere ende andere zijden geschiet ende gedaen, bij compensatie worden geremitteert, gedoot ende vergheten. Dat de van Groeningen zullen blijven in zulcken gebrueck ende gepretendeerde possessie, als zij van oudts hebben gehadt, zunderlinge voer het jaer 1571 lestleden, soe lange ende totter tijdt toe, dat dyen angaende anders met uuyterlick vonnisse zall sijn gewesen. Ende updat de questie, de zij partijen hebben tegen malckanderen, zoude moegen beslicht worden, ten cortsten dat moegelick is, soo is veraccordeert, dat deselve partijen zullen hun different offt differenten instrueren met pertinente conclusien, middelen ende verificatien voir commissarisen, die hun luyden zullen worden gegeven bij zijnen voersz. hoocheit uuyten Raden van State, Secreten offt Grooten Rade van Mechelen, diewelcke zullen hebben macht ende authoriteyt, partijen te veraccorderen, indyent mogelyck zij. | |||||||||
[pagina 425]
| |||||||||
Welcke instructie zall moeten gescheden ende volbrocht wordden binnen den tijdt van twe jaeren ten lanxsten, met conditie ende last, dat so wie van de voersz. partijen zall den voortganck van der saecken verachteren offte beletten, zall elckermael verbueren hondert marck goudts ende daervoire promptelyck geexecuteert worden ende desnyettemin moeten in der zaken voirts procederen. Ende so verre de voersz. zake neet en can geinstrueert noch geslicht worden binnen de voersz. twe jaeren, soe zal de voersz. tijdt geprolongeert worden bij zijne hoocheit nae den noodt ende gelegentheyt van der zaken. Ende nadyen tvoirsz. different offt differenten zullen zijn geinstrueert, sall daeraff rapport gedaen wordden aen zijn hoocheit offte denghenen, die alsdan zal wesen gouverneur van dese landen, dwelcke tot assistentie van rade sal nemen zulcken getall van raetsheeren uuyt de voergen. Raden van State, Secreten offt Grooten Rade van Mechelen, als deselve zijne hoocheit sall goetduncken, behalven dat de voersz. van Groeningen ende Omlanden zullen moegen verderen, oft sij tegen dezelve oft enige van hun yet weten te seggen, om aengaende de voersz. differenten recht ende justicie gedaen te worddende, zoe behoeren zal, daernae de voirsz. partijen hun zullen moeten reguleren sonder enich becroonen oft wederseggen. Dat duerende de voirsz. instructie van den processe ende soe lange daerinne egeen recht en zall zijn gedaen, déén noch dandere der voersz. partijen en sall moegen te warcke stellen noch gebruycken ennige daetelycke wegen, noch déén den anderen iniurien bij feyten oft woerden, op verbuerte van heurluyder gepretendeert recht ende daerenboven van dusent marck gouts. Ende soe verre ennige particuliere van der eendere offt andere zijden geraeckten te commen tegen malcanderen tot ennige wegen van feyte offt injurien, sullen daeraff wordden gepunieertende gestraft na gelegentheit van den feyte, iniurie ende misdaet. Ende zoo verre die van den Omlanden hebben duerende den voersz. processe te doen ennige particuliere vergaderingen, hun alleen aengaende ende nyet dyen van Groeningen, als om te hebben offt op te stellen ennige contributie tot het vervolge van den voersz. processe offt andere saecken, sullen daeromme dezelve van den Omlanden moegen houden heur gemeynen vergaderingen tot zulcker plaetzen ende so dyckmael, als hun zal gelieven, sonder dat de van Groeningen tzelve zullen ennichszins moegen beletten, met zulcken verstande nochtans, dat de van den Omlanden totte kosten van den voersz. processe nyet en zullen moegen setten noch belasten de personen offt goeden van die van Groeningen oft heure borgeren. Dat beyde partijen zullen dyt verdrach in de eerste vergaderinge van heurluyden Staten (elck voer soe voele hem sall angaen) doen approberen ende ratificeren ende elckanderen daeraff verzekeren op de voergaende penen. Sullen oeck de voirgaende partijen in handen van den gouverneur van Vrieslandt beloven ende zweeren, alle de voerverhaelde puncten elck in sijn respect nae te gaen ende te volbringen, hunluyden submitterende tot bedwanck ende executie van den zelven gouverneur in allet ghene, daerinne zij gebreckelick zullen bevonden wordden ende sal oeck de selve gouverneur daertoe wordden geauthorizeert van wegen zijne hoocheit, zoe verre des noot zij. Ende tot meerdere vasticheyt ende beter onderhout van alle desen sullen de voersz. principale partijen (approberende allet ghene des voersz. is) passeren procuratie op ennige heure gecommitteerde, om te consenterende, dat zijne | |||||||||
[pagina 426]
| |||||||||
voersz. hoocheit ende Raedt van State hun zullen moegen condemneren int vulbringen van alle de voirsz. poincten, zoe elcken zal moegen aengaen, daeraff behoirlycke acte zal gemaeckt worden. Aldus veraccordeert ende gesloten binnen der stadt van Antwerpen in presentie van mijnen voirsz. genadigen heeren, mijnen heere de prince van Oraingnien ende grave van Swartzenborch ende andere commissaryssen den 30en van Mey 1578 ende hebben de voirsz. mijnen genadige heeren, mijn heer de prince van Oraignien, mijnen heren die grave van Swartzenborch ende andere commissarisen met oyck de voirgen. gedeputeerde op het believen ende ratificeren van heure principale dit onderteeckent:
Nota, dat de stadt dese middelen in alsulcker formen ende maniere neet begeert noch konde annhemen als te seer captieux ende preiudiciabell, hebben derwegen deselve weder overgesant met eenen langen brieff van debatt ende erheefflicke rheden an borgermester Alberda ende Cleve, daernoch verbleven sijndeGa naar voetnoot1). |
|