Donderdach 15 Januarii 1579.
B. ende R. laten weten ende gebieden, dat nemant gheestlick edder wartlick en sall enige lasterscryfften, famose libellen, eherruerende gedichten, uproerige refereynen, pasquillen, schamper ledekens oft brieffkens maken, scrijven, verspreyden, anslaen oft uuthgeven.
Item dat oeck de eene den anderen (contrarie der Pacificatie ende upgerichter Unie) neet en sall lasteren, schelden, iniurieren, tergen noch schandaliseren mit woerden oft mit wareken, allent up pene van gestraffet te wordende als versturers ende perturbateurs van de gemene ruste ende vrede, anderen ten exemple.
Noch laten B. ende R. weten als volght: In betrachtung des hoeffs genedich advertissement ende ernstlick scrijvent hebben de samptlycke heren stadtsgeswoernen, na tegenwoerdiger tijden gelegentheit, voer raedtsam ingesehen ende entsloten, dat alle deghene, geestlick edder wartlick, de uuth andere geunieerde steden oft provintien, inwendich jaer ende dach, hiirbinnen mitter woene gekomen, sich sullen eerstes dages weder vanhiir moeten versehen ende vertrecken. Alsus mitter clocken affpubliceert.
Auteursrechtelijk beschermd