Diarium van Egbert Alting 1553-1594
(1964)–Egbertus Alting–
Auteursrechtelijk beschermdMaendach 20 Julii 1579.De van Goerecht hebben den 10en penning van de upkumsten mede borgergelijck accordeert, doch niet sonder beswaring. Popko Uffkens ende Derck Alberda hebben van hoer leengoeder de non consequentia protesteertGa naar voetnoot2). B. ende R. laten weten ende gebieden, dat gheen schutenschuver noch anderen enigen torff ontladen oft lastbrekinge doen sullen, eer dat den cijsmester sijn behoerlycke cijss vulgedaen ende betaelt is. Datselve mede to verstaende | |
[pagina 465]
| |
van den torff, de up den cyngelwall offt anders uuth den schepe up den wagen oft vant ene schyp int ander geladen ende also to landtwerth uuthgefuerth worden sall, bij verboerte des torffs, halff tot des stadts ende halff tot des cijssmesters behoeff. Actum den 27 Julii 1579. B. ende R. laten weten ende verbieden, dat nemant, in- oft uuthlandtsche, en sall enich geldt, sulver noch goldt, gemuntet noch ongemuntet uuth deser stadt noch derselver jurisdictie ende gebiede an den munter ten Damme oft emants van sijnent wegen brengen, leveren, an- eder affdragen oft haelen noch brengen, leveren, an- eder affdragen oft haelen laten. Oeck en sall geenen borger oft inwoener deser stadt ofte derselver jurisdictie ende gebiede enigen wissell, maesscoppieGa naar voetnoot1), handell oft wandell mitten selven munter oft sijnen gesellen, noch emant van sijn oft hoerent wegen hebben oft gebruycken, allent bij verbuerte des gheldes, sulver ende geldts ende daerenboven bij 20 golden gl. to broecke, halff der stadt ende halff voer den anbrenger, ende noch arbitralyck gestraffet te wordende. Alsus mitter clocken affgekundight ende an den wijnhuyse angeslagen upten 26 Julii 1579. Item den vorsz. munter is oeck upten 20 Julii binnen den Dam durch twen notarien van der stadt wegen verthoenen ende insinueren laten gerichtlyck sodane protest ende waernung, als hiirna volghtGa naar voetnoota): |
|