Diarium van Egbert Alting 1553-1594

Maendach 25 Januarii 1580.

Nota, dat de 6 ghijselers gysteravent ad 9 mit trompetten, pijpen ende trommen weder staetlick inkomen sint, den voele myt wagens oeck to peerde ende to voete weren in de moete uuthgetogen ende mit se ingekomen. Dese voersz. ghijselers, naemptlick borgermester Joachim Ubbena, Christoffer Deest, Johan van Ballen, Evert Sijmens, Garbrandt Heynens ende Popko Everardi sint up Sondach pridie Viti upten 14^en Junii vanhiir na Campen uuthgetogen ende weder up Sondach pridie Conversionis Pauli den 24^en Januarii weder binnengekomen ende also 32 weecken van huys, ghoedt, wijff ende kynderen gewest tot grooten hoen, spijth ende injurie, alsmede tot enorme onnutte, vergeefflycke onkosten deser lofflycker stadt, allent durch calumnien, haet, nijdt ende twijdracht also practizeert ende towege bracht. Des Godt moet ten besten wenden ende sijnen vrede gheven den menschen van goeden wille. Amen.

Der syndicus hefft voert beghynt sijn raport tdoende, dan also de stucken vast in Latijn ende Franchois gestelt, heft men de tom deele eerst moeten doen transfereren ende oversetten, eer men wijders hefft koenen voertfaren²⁾.

2) Reg. Feith 1580 nr. 63.