Diarium van Egbert Alting 1553-1594

Maendach 13 Martii 1581.

Eylcko Garbrandts contra enige schutenschuvers om arrest van schepen etc. B. ende R. hebben vorclaert, dat voer eerst de schutenschuvers voerg. sullen den hoptman Vinckenborch van wegen het ransoen der Westfreesche schepen vuldoen ende betalen, naemptlick 129 carolus gulden. End sulckes gescheet, sullen der Westfresen questiose schepen tot hoeren besten hiir ter stede blijven, bes der vorsz. schutenschuveren affgenomene schepe weder hiir gelevert sullen sijn voer sodane ransoen, tho wetende 80 daler, als daer se eerst up gesatt west sint, afslaende nochtans sodane 40 daler, als rhede daeran betaelt edder ingeholden worden sint, tho dem oeck weder van bemelten Westfresen entfangende, wes hoer ransoen meer als der schutenschuveren voerg. ransoen bedragende is, naemptlick negen keysers gulden.

[p. 513]

Nahdem Albert Eeltz durch den ghyldrechtsmannen in plaetz van Wyffrinck (de sich, als venrich in Con. Mat. denst staende, geexcuseert) weder int Ghyldtrecht gekoren ende up Petri erst uuth den Raedt gegaen ende tselve tegens teerste punct des ghyldtrechtsboeck, oeck in praejudicie van anderen affgaende raedtmannen sijn solde ende he sich nochtans voer dit eene jaer bewilligen laten, heft men hem acte geloefft ende gegeven, van naestkomenden Petri te sullen moegen van des voersz. ghyldrechtsbedieninge vrij ende ontslagen sijn.

Ghyldtrechtsmannen: Albert Eeltz, Arent ter Braecke, Hoytet Aldringa, Herman Mensens, Johan Veelcker, Roeleff Roeberts, Hermen Peters de brouwer, Frans Phebes. Albert Eeltz olderman.