Saterdach 2 Septembris 1581.
De heren B. ende R., oldt ende nije, sampt T., S.M. ende B.v.d.g. accorderen den suppliant Huynga sijn versueck up angetogen conditien in desen vermeldet, midts he sich oeck midlerwijle binnen huyses sal erholden ende geen communicatie scryfftlick noch mundtlick mit vrembde luyden oft Con. Mats. ende deser stadts vijanden hebben sall, allent nochtans staende tot der samptlycken heren wederseggen ende alsdan entweder bij den anderen angeholden weder in bewaersam tgaende oft up sodane gelegene plaetse, als hem dan van den heren verordnet wesen sall. Des sall he dit alsus te willen nahkomen, mit sijn egen handt onderteeckenen.
B. ende R. sampt T., S.M. ende B.v.g. dusser stadt hebben om erheefflicke rheden ende oersaecken voer guet angesehen ende om tgemene beste wille geordineert, dat alle golden ende sulveren penningen sullen van nu voertan wederomme ganck ende loop hebben, oeck entfangen ende uutgegeven worden, soe ende als deselve penningen voer de leste bescheene publicatie ganck ende gave gewest sijn.
Auteursrechtelijk beschermd