Dinxsdach 21 Novembris 1581.
Der gesanten rapport, so an de 6 vendels Rennenberchschen regiments, tho Syddeburen sich gelegert, uuthgeschickt, tho wetende wes oersaecke se Roon verlaten, neet na den Zevenwolden, dan torugge in den Omlanden ende na den Oldenampten vertogen, off se sulcks uuth egener authoriteit dan durch enige ordinantz gedaen. Daerup gesacht, des geen ordinantz thebbende, weren oeverst daertho veroersaeckt, vermidts geen leheninge verschaffet. Off se dan oeck bedacht, weder na Roon ende Zevenwolden te trecken in achtervolch hoerder ordonnantie ende de plaetz ende voernhement aldaer te verlatende, musten sunst de van der stadt tot denst van de Mat. de stadt am besten vorwaren ende binnen holden, tgene se hedden, doch erbiedich mit se tot reedlicheit tverhandelen. Dit den bevelhebberen voergedragen, wolden dat de gesanten sulcks den gemenen knechten angeven, de rede gealtereert ende tot moyterie (alst scheen) durch Mathias Orth ende andren verweckt, de oeck gemeent de gesanten daerselffs an to holden, dan sint stracx na den Dam vertogen; hebben voer antwort laten inbrengen, dat se eerst hoer nastendige weeckleninge van 4 weecken, daertho versekeringe van de volgende weeckleningen thebben gemeent ende voert in den Dam ende Farmsum sich to legeren tot bijstandt der in de Marne verordnet, wen de vijant daer werde ergents een inval doen, dachten sunst int Oldtampt te trecken mit leve edder leeth, weren den coninck gesworen ende legen in sconincks landt etc. Ende want der heer superintendent Verdugo van dese mutinerie bij Stadt ende Lande geadvertert, hefft daerup uuth Goer den 18 huius antwort ende an de bevelhebberen ende soldaten strenglick bij Con. Mats. hoegste ongenade
Auteursrechtelijk beschermd