Asschewondsdach ultima Februarii 1582.
Gerelateert, dat wall 130 huyser in Westerlandt durch de onse mit oeck de beesten verbrandt ende sunst wall twe tonne schattz to schaden gedaen, daer men anders hadde verhoopt twe tonnen van geboerlycke contributien tho genietende. Moncheau lieutenant.
Den 24 oder 25 Februarii sijn de vrijbuteren achter Uuthusen vant water tho lande ingevallen, 8 schoen huyser mitte beesten verbrandt, 18 huysluyden gevangen mitgenomen, daer hem nochtans weder 7 manspersonen ende 5 vrouwen mit noch 18 der vijande soldaten durch de onse bekomen ende eroevert geworden.
De heren hebben voer guedt ingesehen, dat de raedsheer Johan van Deest wegen St. Geertruytsgasthuys contenteert worde ende dat de dre voegeden elck een dardendeel van de renten up hoer regysteren stellen ende jaerlix daervan betalen.
Roleff Bernhers is borge bleven, dat de gevangen neet sall vertrecken, voer de sententie van de heren vulgedaen, dat oeck de peert eder peerden sullen in arrest blijven.
Auteursrechtelijk beschermd