Vrijdach 25 Maii 1582.
Fredrick Coningk ende de bouwmester van de ghylden Geert Arents in Asserhuys sint geeerdet worden.
Den pater vant Fraterhuys gerichtlyck ingesecht, dat he dytmael sodane holdt, he tho Ste. Tonniscamp doen houwen, mit dat daer noch gehouwen licht, sall moegen tot sijnen willen gebruycken, dan sall sich hiirnamaels entholden enich meer holtz aldaer sunder des erb. Raedts consent thouwende of laten houwen.
De pater hefft beloefft, oeck goede upsicht te willen dragen, dat ander luyde daer neet uuth houwen sullen.
Nota, dat men een starck mandaet bij straffe van deverije uutgeschyckt, dat nemant aldaer in Ste. Tonnyscamp sunder consent als voer houwen oft houwen laten sall.
Roeleff Grues mit 4 sijn complicen, elck mit een lanck ende 2 korte roeren ende korte latzen van omtrent Dunebroeck (daer se de vrachtwagens ende koopluyde van Embden up Groeningen voergewachtet) ende verspeet zijnde, sint gevencklyck angrepen ende bes upt huys Wedde gebracht. Nota, dat grave Johan hiirom gescreven, se in sijn ge walt gelevert te worden offt solemniter daertegens te protesteren. Sint sijn Gen. weder togesent.
Auteursrechtelijk beschermd