Diarium van Egbert Alting 1553-1594

Victoris 10 Octobris 1582.

Woldt-Oldtampter beclach, van 800 kar. g. den soldaten gegeven thebben, als Westerwoldingerlandt 400.

De samptlycke heren hebben ordineert ende entsloten, dat in iider clufft een kaere sall onder holden worden, om den stratendreck ende wegelquaet tijdtlix van der straten wech te fuerende ter plaetzen daerto verordnet, waertho dan elck huys alle panden geholden sijn sall tbetalende eenen br. st., kelders ende kameren halff so voele, doch alle tijdt na der personen ende plaetzen gestalt ende gelegentheit.

Alsoe de geswoeren voegeden tho Margareta, salige Hinrick Asschendorps nagelaten dochter, den affgesanten van den graven van Benthem ghyster an den avent, oeck huyden omtrent acht uhren om de grunsing angelangt (de se em volgendts in St. Martenstoorn na sijn egen bericht ende seggent betaelt, als gheen kunde daervan hebbende) ende hem derwegen noch om den elff uhren weder angesproecken int ruym buten der cijss- ende schrijffkamer, om to wetende, off noch eetz onbetaelt overgebleven, heft de gesanter neffens Hynrick Weeck, als der saeeken notarius, opentlick verclaert ende gesacht, dat nu alle grunsingen binnen Groeningen, omdat se ende het kyndt in desen onversuympt wolden ende begeerden tsijnde, te vullen weren betaelt, soedat gaer geen grunsingen...^a).. gebleven; ende insunderheit gefraeght zijnde na des kyndtz hoeckhuys int Rechte Yatt etc., sachte neet te wetende van grunsingen, up huysen int Jatt tstaende.

a) Enige woorden door vocht onleesbaar.