Saterdach 23 Aprilis 1583.
Also hoptman Hinrick Pellenrock sich beclaght over den gewaldt, daer Hinrick Pottebacker, rotmester, mit sijn rott he ghysteriges dages an den avent mede bejegent ende derwegen der hoptmanschap begeerde ontslagen tsijn, daerup sijn rotmestern cedul overgelacht etc., is lestlick em de cedel durch een erb. Raedt weder behanden laten mit lofte, daerinne te willen versehen na behoeren, hem oeck in sijnen goeden rechte tegens de moetwille ende gewalt sijner voersz. wederparten voerstandich zijn, waerup he dan de voersz. cedell weder entfangen mit protestation, wen enich inconvenient daer wijders mucht uuth entstaen, dat een erb. Raedt hem alsdan daervan wolden excuseert ende gevrijet holden. Nota, dat der voersz. rotmester, verbodet, uuther poorthen vertogen, daerup der frouwen laten anseggen, he sonder des Raedts consent neet soll weder in der stadt komen.
Almer Abels contra de weduwe van Herman van Wije; an Lieutenant ende Hoeftmannen remitteert.
Kempe Geerts contra Koert Geerdts: an den amptman des Oldenampts in der erster instantz.
Auteursrechtelijk beschermd