Diarium van Egbert Alting 1553-1594

Vrijdach 22 Maii 1587.

Cornelys Walwachter sal zijn officie entwaer nemen ende laten den hegener²⁾ ende bouwmesters diener onbemoyet. B. ende R. willen oeck niet, dat hoppe ant bolwarck gepluckt noch wassen sal.

De heeren B. ende R. sehen voer gueth an, dat des heer en prelaets meyeren sampt andere ondersaten ende ingeseten van Wagenborgen voer ditmael hoer togeslagen panden inde kaynge erstes dages sullen nabergelijck repareren ende upmaken, sonder dat sulcx in enige consequentie getrocken worden sal, dan dat men tot gelegener tijdt de roede aldaer na grastalen sal upleggen ende de metinge upt nije gescheen laten, sodat nemant boven rheden oft anders dan nabergelijck sal beswaert moegen worden.

2) Persoon die de heggen snoeit.