Vrijdach 3 Julii 1587.
De heeren B. ende R. accorderen den suppliant Wessell Loelinck umb rheden sijn versueck van gueth ende waeren alhiir int landt tho brengende, als oeck zijn residentz ende woenplaets in den Olden ampte te moegen hebben ende gebruycken, tot eens erb. Raedts revocatie ende wederseggen; des sullen de gemelte waeren ende coopguederen binnen der stadt Groeningen tho marckte gebracht worden.
Dat Plettenborch soll mit 3000 peerden gemonstert up Coellen na Marten Schenck vertogen ende dat noch 4000 peerdtvolck ongemonstert um Brunswijck oder Lunenborch voerhandts zijn soellen.
S.M. neffens den heren hoefftmannen mit een erb. Raedt, oldt ende nije, entsloten, het octroy van Con. Mat., allene den stapel ende stapelrecht betreffende, tdoende in den beyden Oldenampten publiceren, vormidts den groten affbrueck ende schaden, soe der stadt doer enige moetwilligen aldaer dienangaende gedaen ende togefueght worden.
Auteursrechtelijk beschermd