Diarium van Egbert Alting 1553-1594

Saterdach 3 Octobris 1587.

Also der heer stadtholder doer doctor Westendorp een erb. Raedt doen anmelden, loffwerdich vorstendight tzijnde, woe sich enige hiirbinnen vernhemen

[p. 704]

laten, woewal de stadt papistich, dat nochtans den Goesen wal een kercke in vorhandlinge der vrede sol togelaten worden, - derwegen mit ernste bij den heeren hoeftmannen ende samptlicke geswoernen na sodane man edder frouwespersoen te verforschen ende die volgendts exemplaerlick gestraffet te wordende; item woe de hoptlude des borgerlichen regiments sich bij zijn Gen. gequeten, midts se den Raedt enigen der suspect en namen behandight, waervan dexecutie bij den Raedt ende neet bij se, alsmede van de inlatinge van suspecten etc.; hiirup statim a prandio de samptlicke voersz. heren upten huse versamblet ende gedachte doctor daerselffs verboedet, sulcks int lange weder erhaelt, hebben sich bemelte heren B. ende R., oldt ende nije, mit de heeren hoeftmannen, Swoerne Meent e ende boumesteren van ghilden, hoeft voer hoeft, bij hoer gedanen eede verclaert, neet te wetende van emants, de sodane woerden (van een kercke alhiir te sullen oft moegen doer den vredehandell verkrijgen eder thogelaten worden) sol gesproecken hebben, allene dat borgermester Ballen vermaent van seecker frouwspersoen, de daer etz twijvelachtich ende neet assertive van gerhedet. Item de voersz. hoptluden hebben mede verclaert, woe se oeck nichts tot beschuldinge des Raedts angegeven, sich desfals heropende an den heren Ballen, so daer ter selver tijdt mede present gewest etc. Ende zijn volgendtz B. ende R. gelijckelick an zijn Gen. gaen ende hoer excuse ende relaetz van des voergescr. gedaen na behoeren.

Item want de anabaptisten umtrent 2 eder 33 min ofte meer, als se gesuppliceert, um noch desen winter te moegen overblijven ende der heer deecken um dexecutie angefordert, is entsloten, se de bescheene publicatie solden moeten gehoersamlick nahkomen¹⁾.

1) Eppens II blz. 575, 583.