Diarium van Egbert Alting 1553-1594

Saterdach 11 Junii 1588.

Ordineren B. ende R., dat de ondersaten ende ingesetenen van Noortbroecke sullen onder sich een ommeslach ende settinge maken over alle de landen, dewelcke onder den clockenslach ende karspele van Noortbroecke behoerich sint, omme de gebrecklicke ende bouwfallige kercke mit de penningen daer affcomende te maken ende repareren laten. Dan de heern koenen neet gestaden noch accorderen, dat der kercken landen oft ghoederen alieneert ofte verkofft sullen worden.

Dat der profaes upt Scutendiep niemant sal moegen bij sich tho logeren innhemen sonder voerweten van den hoptman aldaer; des sal de diener hem beyden anseggen, so wanneer ende wel de heern daer upt Schutendiep tho logeren bij een erb. Raedt tijdtlicx accordeert ende verloefft moegen hebben.

Doctor Lucas, commissarius van heer amirael van Lalaing, brieff an hem den Raedt praesenteert, oeck arrest ende protest tdoende begeert; geantwoerdet, dat men desfals an zijn alteze gescreven, must derwegen bes antwoert gedult nhemen.

Pottebackers moeten sich reguleren na tordel den 17 Maii anno^a) van 3 marckeldage ter weeke.

a) Jaar niet ingevuld.