Diarium van Egbert Alting 1553-1594

Saterdach 23 Julii 1588.

De borstweheren te makende iider hoptman mit zijn vendell.

Item 2 vendel in desen St. Jacopsmarckt te waeckende.

Dat geen tymmerlude oft steenmetzler to lantwert trecken sonder des borgermesters consent.

[p. 734]

Hoptman joncker Roleff d'Mepsche zijn hoptmanschaft neet verlaten, dan dat der lieutenant in affwesent zijner de plaetz verwaeren sall; oeck Duyrt Alberden zoenen durch den diener doen anseggen, mede gelijck anderen upte wacht tgaen.

Twyst tusschen Duytschen ende Walen in de ½ mane te maeckende.

Schyppern durch doctor Lucas hiir arresteert; hiirvan kundtschaft vervatet. Den voersz. doctor laten gerichtlick anseggen, he sich uuth dese stadt ende stadtsjurissdictie tegens morgen voer der sonnen onderganck versehen sall, offte men must daer anders to verdacht zijn; up dage Jacobi iterum doen anseggen, noch dages na Jacobi gelijcksfals durch den dener selffs doen anseggen, gyster oeverst doer de maget gescheet¹⁾.

1) Zie Verbaal Hammonius blz. 50^v.