Donderdach 8 Novembris 1590.
Also Lamme, de weduwe van zaligen Ebele Janssen tho Slochteren, seecker request, mit des pastoers ende ander karspeluden handen ende namen ondertekent, voergebracht, van hoer tegenwoerdige armen gestalt vermeldende, woe se mit veer clene vaderlose kynderen beladen van hoer inguedt durch den soldaten beroeft, hoere landen (den van St. Jacopsgasthues behoerich) mitten solten water overlopen ende sonst sware schattinge continuelyek moeten geven ende midtsdien ende anders den van St. Jacob vorsz. schuldich geworden ter summe van 157 emder gl., des se erbiedich den gemelten van St. Jacob mit een rentebrieff van 100 embder gl. principaels (hoer de 57 quiterende) over hoer hues, levendige have ende alle hoer praesent ende thocomende ghoederen tho verwissende, doch gheen renten daervan te ghevende, dan den hoeftstoel, naemptlick de 100 emder gl., tijdtlicx in de ses naestcomende jaeren heel aff tho betalende, midts dat se oeck het selve landt noch ses jaeren muchte (in plaets van 19) voer 10 emder gl. jaerlicx in de huere beholden, hetwelcke alles mit den voeght ende voerstander aldaer gecommuniceert, is tselve also accordeert ende umb rheden geconsenteert ende de rentebrief is in communi forma up 7 ten 100 gemaeckt, doch allene den hoeftstoel in 6 jaeren up gelijcke porcelen tho loessende, sonder renten, woe voersz., daervan tho ghevende.
Auteursrechtelijk beschermd