Dinxsdach 13 Novembris 1590.
Synt de gemene borgeren durch den stadtdiener smorgens ummeheer van strate tot straten voceert ende verwittight, um ad horam primam a prandio in der kercke ter A tho erschijnen, eenen nijen pastoer tho kiesende. Ende voermiddach de misse de Sancto Spiritu gecelebreert, hebben sich de twe voerige heeren borgermesteren nu ten dardenmael oeck in der kercke erfueght, daer de kerckvoegeden hem een cedel mit der priesteren namen, so in den khuer gestelt, overgegeven, de volgents, voer Unser Lever Frouwen altaer staende, de gemene borgeren (so de anderen heten uuthgaen) tot eenen nijen khuer van eenen goeden pastoer vermaent ende hoer de personen uuth den voersz. cedel voergelesen, mydts dattet wilckoer gestelt, ofte se bij hoefden wolden kiesen oft een uuthschot van 30, 40 mannen wolden maken, den khuer tdoende. Ende se des na older gewoente bij stemmen gesinnet, is hoer anderwarf vermaent, alsodanen te kesen, de bequemst ende bij der oeverheyt accepteert, oeck sonder wijder nadeel des karspels wesen muchte; ende is also heer Hinrick ten Hoevel, ydtziger pastoer tho Zuydtwolde, frater defuncti, omnium prope suffragiis unanimiter electus atque statim in templi chorum ad consulem caeterosque ibidem per duos seniores ac secretarium, velut praenuntios e domo vocatus, iuramento praestito gratiisque deo redditis, solemniter introductus, erst in der sacristie mit den presteren ende twe borgermesteren (de oeck utrinque neffens den pastoer upt khoer geseten, als Te Deum worde gesongen), aldaer hem de clenodien etc. traderende ende bevelende, solden hem oeck upten predickstoel ende in den torn na der vunte geleydt hebben, dan derwijlen sijn weerdige rhede domesticus, hiir de dingen in der wehem oeck mit predicken in der kercke vice patoris voer ende na verwaert gehadt, binnen de samptlicke heren mit hem in der weheme gaen, daer de stadtdieners 8 kanne wijn ende de voegeden oeck 6 bestelt, alsmede prelaten ende anderen gedaen ende aldar des aventz verbleven.
Auteursrechtelijk beschermd