Donderdach 28 Aprilis 1594.
Derck Cloet, woe volget, sijn eedt huyden gedaen, dages voer de darde Vrijdach na Paeschen.
Ghij loven ende sweren, dat ghij van nu bes St. Petersdage ad Cathedram erstcompstich een trouw ende gehoersam raedtsdiener ende doerwaerder sullen wesen, des raedtkamers portael ende doere tegen onordentlicke inlopent ende anders neerstich vorwaeren, oeck voer gesatter uhre ant recht- ofte raedthues komen ende partijen daerselfs tijdtlick antekenen ende sunder des borgermesters verloff vandaer neet wechgaen. Tho dem B. ende R. na juwer macht starcken ende wes juw tho swijgende bevoelen, neet openbaren, rechte berhedinge ende rechte antekeninge van kenningen ende partijen annheminge doen sullen, boven oldt gebrueck ende behoer nemant beschatten, gheen hemelike gave van den parten nhemen, stadt ende raedts broecke oeck schade ende perykel vlijtich melden ende anbrengen. Ende voerts willich ende bereidt tzijnde ende bestes vormoegendts tdoen ende laten, allent dat een goet, froem raedtsdoerwaerder ampswegen eget ende behoert tdoende.
Des sullen oeck de vijff dieners alle jaer hoer stadtrhoeden tegens Petri ad Cathedram up dat raedthues brengen ende wel de Raedt de rhoede alsdan weder ghefft, die sal diener blijven.
Auteursrechtelijk beschermd