Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Hoe dat Rijcxfrydus gecoren wert die VII biscop van Uutrecht.
Dat LXXXI capittel.

Ricxfrijdus gheboren uut Frieslandt wert ghecoren ende ghemaect die VII biscop van Uutrecht, ende wert investeert ende gheset nae des biscops Harmacarus doot, by beveel des keysers Lodewijcks in sine biscoplicken zetel. Hy was een oudt, wijs ende gheleert man van groter heylicheyt ende religie. Hi verwarf oec mede van den coninck Lodewijc van Francrijc, keyser van Romen, vele privilegien³²³ ende confirmacien van vele thienden, thollen ende comanscappen, ende daertoe dye grote stat van Wijck te Duersteden ewelick te besitten.

323 privilgien AB.

[p. 81r]

Hi worde int eynde sijns levens sere gequelt van der zage, dat hi ten lesten daerof ghestorven is, vervolt mit vele doechtlicke wercken, int jaer ons Heren VIII C ende XXXVI, opten V dach van october, als hi dat bisdom mit groter eren ende loven hadde berecht omtrent IX jaren; ende wert tot Sinte Salvatoers mit betamelicker uutvaert begraven.