Van een ghifte gegeven der kercken van Uutrecht van keyser Henrick van Romen, van dyer name die twede.
Dat IX capittel.
In den Name der heyliger ende onversceyder Drievoudicheit. Kenlic si allen menschen die nu sijn ende namaels wesen sullen, hoe dat wi tot remedie onser ende onser ouderen sielen, ende oec tot bede ende supplicatie Ansfrijt, des eerwaerdigen biscops van Uutrecht, ende Francke, ons eerwaerdigen biscops, den stoel van Uutrecht voernoemt ende den kercke in Sinte Martijns eer gesticht, gegeven hebben ende geven alle dat district ofte ambocht des dorps van Bommel ende datter an hoert. Ende om dat onser auctoriteyts brieve van waerden blive, hebben wi die mit onser hant gestarct ende geboden te besegelen. Ghegeven op die III nonas van september, int jaer Ons Heren M ende een, opter II indictye.
Auteursrechtelijk beschermd