Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van Adelbolt, die XIX bisscop van Uutrecht.
Dat XI capittel.

Adelbolt was een edelgheboren man uut Vrieslant, ende natuerlic wijs ende verstandel, ende was een overste

[p. 116r]

raetshere des keyser Henrixs die Tweede. Dese wert eendrachtelic gecoren ende geset tot enen biscop van Uutrecht. Ende hi wert gewijt ende geconsacreert die XIX bisscop van Uutrecht, ende hadde vele oerlogen tegen den Hollanderen, als men na horen sal. Want hi was die eerste van al den biscoppen van Uutrecht die op Hollant oerloechde.