Hoe dat biscop Adelbolt oflivich worde.
Dat XVII capittel.
Dese bisscop Adelbolt van Uutrecht heeft den stenen kercke staende bijnnen Tijel, dyewelke dye Denen verdestrueert ende verbrant hadden, weder op ghemaect, ende heefter in gheset waerlicke canoniken, daer te voren canonicken reguliers plaghen te sitten. Ende nae vele onledes ende oeck mede goede wercken is dese bisscop Adelbolt oflivich gheworden int jaer Ons Heeren M ende XXVI, als hy dat Sticht van Uutrecht glorioselick hadde berecht XIX jaer, ende wert mit groter eren begraven in Sinte Martijns Doemkercke, dye hij van nijewes hadde doen fonderen ende weder op maken.
Auteursrechtelijk beschermd