Van die heerlicheden van Aemstel ende Woerden.
Dat XII capitel.
Nae den doot van biscop Ghwije heeft die goede grave Willem van Henegouwen ende van Hollant die heerlickheden van Aemstel ende van Woerden wederghebrocht ende ghedwonghen aen Hollant, settende daer in baeljuwen ende scouten van sine weghen, die se berechten souden, segghende ende allegerende dat se den biscop, sinen oom, toegescict ende gegheven waren voer sijn vaders patrimoni ende erve, naedat si an dye graefscap van Hollant ghecomen waren. Want alsoe als GhijsbrechtGa naar voetnoot370 van Aemstel ende Harmen van Woerden dat segghen ende uutsprake ende dye soene wilen grave Florijs van Hollant niet onderhouden en hadden, so waren mitsdien die twe heerlicheden voerseyt aen Hollant ghecomen.
Auteursrechtelijk beschermd