Biscop371 Frederic.
Dat XIII capitel. 372
Frederic van Zijric, die anderde van dyen naem, proest van Sinte Peters tot Uutrecht, worde gecoren na biscop Gwien doot dye XLIII biscop van Uutrecht. Hy worde te Romen geconsacreert ende gewijt. Dese biscop Frederic was sere beladen mit sijn selfs sculden; ende al vant hi al dat bisdom seer rijck, is hi noctans cortelic seer verarmt gheworden, dat hi van sine vrienden ende vianden luttel ontsien ende geacht worde.