Van den belegge van Iselstein.
Dat XII capitel.
Binnen desen tiden dat biscop Jan te Romen was, is dat bestant tusschen dat Sticht van Uutrecht ende heer Aernt van Iselstein uutgegaen, waerom de maerscalc van den Sticht is uutgegaen mit die van Uutrecht, mit heercracht, des manendages na Beloken Paesscen, ende hebben haer tenten opgeslegen, ende beleyden die stede van Iselstein; ende si anvochten ende bestormden die stede vijf weken lang, mit menigerleide instrumenten van oerloge. Ende ten lesten gaven si hem op mit here Aernt, haren here, op dusdaniger voerwaerden ende condicien: dat si hem enen eet doen souden, ende beloven dat si voertan dat bisdom hout ende trou wesen souden, dat si onlange hilden.
Auteursrechtelijk beschermd