Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van hertoghe Willem van Beyeren, grave van Henegouwen, van Hollant, Zeelant ende heer van Vrieslant, die XXII.
Dat II capittel.

Na den strijt opter Masen gehat, ende dye keyserinne ende haer soen verenicht waren, is hertoge Willem van Beyeren, palatyn opten Rijn, van Heneghouwen, van Hollant, Zeelant ende heer van Vrieslant, geworden die XXII grave. Hy hadde te wive Machtelt, hertoge Henricxs dochter van Lancaster uut Engelant, mer si en hadden gheen kinder tesamen. In desen tiden, op der Apostelen Sceydinghen dach, was een grote brant tot Haerlem, daer bynae half die stede of verbrande.