Poemata

[p. 220]

Amplissimo Viro D. M. Oldiswortho, Illustriss. Penbrociae Comiti à Secretis.

LAurèa grandiloquum cinxerunt serta Maronem,

Inque tuis lusit laurea, Naso, comis.

Vilis honoratum redimivit laurea Flaccum,

Non aliud precium (crede) Catullus habet.

Laurea mellito gracilis decreta Melisso est,

Lauriger Ausonio sub duce Stroza fuit.

Talia cantanti cesserunt dona Secundo,

Talia Lotichij praemia Musa refert.

Laurigerum modulans Auratum Sequana vidit,

Cum folia & frondes munera vatis erant.

Oldisworthe, meae melior fortuna Camenae est.

Circundant humeros aurea serta meos.

Errarunt veteres, nunc erravere Britanni,

Nobilius meritum vilior author habet.