Dichtkonst van verscheide stoffen

[p. 224]

Phaleucus: In portum Hornanum.

PRocul veneris inde si quis Hospes,
Et miracula nostra quis stupebis,
Dùm foris rigidum domamus hostem,
Et domi steriles rotamus undas,
Siccamúsque lacus tot & paludes.
Et vestam e medio damus profundo.
En jam Tityrus aut agit capellas
Iucundum pecus, aut aratra ducit,
Aut cum Phyllide Batavus jocatur,
Ubi velificabat ante Typhis.
Dicam, Gargara tota jam redacta
In terras iterum comis resectis,
Exstructasque super domos nitentes,
Et tot numinibus sacrata templa?
Solertes potuistis ista dextrae.
At nunc Oceano damus capistrum,
Et vinctam mare belluam tenemus,
Et quod prae riliquis stupebis Hospes,
E salo eruimus solum, saloque
Reposto Batavam locamus urbem.