Profytelyck cabinet

[p. 141]

Aendacht.

Soo gaen wy vast de Vrome quijt!
Godt haeltse wech ter goeder tijt,
Op dat haer ooghen niet en sien
Het quaedt, dat seker sal geschien.
VVie neemt dit waer: wie is den Man
Die dit te recht bedencken kan?
Ach! yeder van ons gaet daer heen:
VVy hooren haest een corte re'en,
VVy lesen wel het gheen hier staet,
Maer wie ist die't ter herten gaet?
Leer ons, Opwecker van de Geest,
Dat u al-steeds ons herte vreest:
Leer ons wel leven op der Aerdt
Tot ghy ons oock by u vergaert.