Lustighe Amoreuse Refereynen

elck met een Liedeken daer op accorderende, seer gheneuchlick ende recreatijf

Een Ionckvrouwen Refereyn int amoreus, met een Liedeken daer op accorderende. Beclaghende het bedroch der liefden.

O Valsche Venus is dit u behaghen,
En hem moet derven die mijn oogen geern saghen,
Ick duchte ja, des droever gheene,
Mijn sinnekens treuren, mijn hert moet claghen,
Maer wat ick segghe by nachte by daghen,
Tis al om niet, ghy achtet cleene,
My dunckt dat ghy harder zijt dan steene,

[p. 39r]

 

Hoe sot sijnse die u hier ghelooven,

 

Ghy hebt my verleyt en anders gheene,

 

Deur schoon beloften liet ick my verdooven,

 

Waerom wildy my nv van mijn lief berooven,

 

Die ghy wel weet dat in mijn herte is gheseten,

 

Eertijts was ick sijn liefste niet om volloven,

 

Maer nv eylacy heeft hy my vergheten.