Leven van Sinte Lutgart

(1987)– Broeder Geraert– rechtenstatus


[19] Wie dat se onsen here seide dat hi toet enre cranker nonnen gincge ende makese onledech met heilegen ghepeynse. Ons leert also sinte austustijn at wi besceden selen sijn 960[regelnummer] jn allen werken di wi bestaen so salt ons al ten besten slaen groet bescedenheit had si altoes aen hare de maghet vri als ic v nv vertellen mach. 965[regelnummer] Et geuiel op eneen sondach dat si gods lichame had ontfaen doen waest haer swaer dat si soud gaen ter taflen daer si soud so lyse nutten eneghrande lichamlec spise. 970[regelnummer] ende sprac gode toe sus, here ihesu en es geen tijt dat ic mi nv met vwer welden becummeren moet
[Folio 55r]
maer mijn lieue here gaet toet elyzabeth, di haer nyet van 975[regelnummer] spisen, een vre gehueden en can ende becommert haer herte met v ende laet mi minen lichame nv met etene vermaken here ihesu. Dat seidse daer omme want daer jnne 980[regelnummer] was een nonne een haer gesellinne die die siecheit, dat ongevoegh hadde, dat si spade ende vroegh moest eten dicke dach ende nacht dies haer de guede luthgart bracht 985[regelnummer] as, temale, met haren ghebede ouermids de gods ghenede. want cristus was tehant goersam lutgaerden waerden, ende quam ther nonnen daer si hem hied gaen 990[regelnummer] ende vervulde haer herte saen met so groter suetechheit dat si sonder eneghen arbeid langhe daer scegen dat si plach mocht spisen daruen nacht ende dach. 995[regelnummer] Jn desen woerden ende desen werken
[Folio 55v]
machmen har grote bescedenheit merken dat si nyen woude met geestleken saken haer so becummeren noch onledech maken dad te sere haer lichame 1000[regelnummer] word gecrinct ocht onder quame want sonder twiuel docht dat hare dat dad orberleker ware dat si haren lichame spaerde ende dat sine so achterwaerde 1005[regelnummer] ende huedde so redeleke dat si haern euenkersten mocht staen bi ende helpen in dogene ende in verdriete dan sine also gewerden liete dat si selue nyet meer en mochte 1010[regelnummer] noch haren euenkersten en dochte want alle dinc heft sinen tijt dat seght de wise man ende lijt. Dats schegen hen di alte seer pinen haren lichame ende traiynen 1015[regelnummer] ende alsi eenwerf ocht twewerf smaken suetechheit van godleker saken so sijn si haren lichame so hert dat daer nyet vte en twint nien wert.
[Folio 56r]
ende verwerpen den lichame themale 1020[regelnummer] om datse daermet wenen wale den geest in gode te starker maken ende destrueren met dier saken dat si den lichame nemen sijn macht benemens oec den geest sijn cracht 1025[regelnummer] want de lichame es ghegeuen den geest ter helpen in dit leuen. Alsi dan den licham themale destrueren, soen can nyet wale degeest in siere cracht ghebliuen 1030[regelnummer] want de heilegen si bescriuen datte lichame de ziele besweert di hem te seer met pinen verteert. Hier af seght sinte paulus, dye grote lelere , dat nyman nye 1035[regelnummer] sijn vlesch en haette, maer hi vuedet ende heuet lief ende smeket ende huedet Hien saelt te genre genuchten vueden maer tonthoudene sal hijt hueden.. Die patriarcha abraham 1040[regelnummer] doen hi van den berghe quam daer hi sijn offerande had gedaen
[Folio 56v]
ginc hi ten esele weder saen. Ende de wise salomon hi heed dat den esel sal doen 1045[regelnummer] pinen ende arbeiden the uoren ende na salmen hem geuen coren. Dit heft bediedennesse al daer om peynst selue want ic sal van elyzabeth tellen voerd 1050[regelnummer] hoerd nv dan ende verstaet mine woerd.

Vorige Volgende

[19] Wie dat se onsen here seide dat hi toet enre cranker nonnen gincge ende makese onledech met heilegen ghepeynse.