Leven van Sinte Lutgart

[20] Wie datte selue elyzabeth gegenst ward doen sinte luthgard voer haer bat...

Uan deser seluer elyzabeth
sal ic vertellen op dat gijs nyen wed
een scone miracle wildise horen...
Also als ic seide te voren
elizabeth was so ongesont
dat si alle vren ende alle stont
moest eten bina dach ende nacht
nochtan gaft haer so cleyne cracht
dat si van crancheiden nyen const gestaen
op haer voete noch ghegaen
maer si moest ligghen gedaetschlec stille
op haer bedde te haern onwille

[fol. 57r]

 

Ende want wel wiste elyzabeth

 

dat grote cracht had lutgarden gebet

1065

so bat si haer dat si gode bade

 

dat hi aen haer toende sijn genade

 

want si hadde dies gere groet

 

dat god haer geue uoer haer doet

 

dat si uan haren bedde moest staen

1070

ende the haren conuente mocht gaen

 

doen bat uoer hare de gu^oede lutgart

 

ende god hi antwerd haer dees waert

 

O dochter van iherusalem

 

stant oppe van dinen bedde ende nem

1075

ghesunde, want du hefs den nap

 

ghedronken van gods bolgescap.

 

Doen haer god dees antwerde gaf

 

ende de sake oec mede daer af

 

ende sijt den nonnen seide di

1080

latijn consten, so mercten si

 

dat elyzabeth op soud staen

 

van den bedde der siecheit saen

 

jn enen gesonden gu^oede staet

 

dat had haer sinte lutgart begad.

1085

ende si stont oppe ende voer wale

[fol. 57v]

 

ende was genesen altemale

 

ende diendde gode daer na nochtan

 

langhe, ende droegh de burdene van

 

der ordennen vromelec ende wale

1090

hier af laet ic nv de tale

 

ende segghe van andren dingen voert

 

nv hoerd dan alle na mijn woert.